من بیلن بوراجاق اوتوز ایل اولار
دونیانین دده‌سین من اولدورمیشم
یازیلیب، اوخونیب ، ناغیل‌لاردا وار
دونیانین دده‌سین من ا‌لدورمیشم
پاییزام نه گلیب یازا بیلمیرم
باشیما گلدیقین یازا بیلمیرم
هئچ اوز قبریمی قازا بیلمیرم
دونیانین دده‌سین من ا‌لدورمیشم
دونیانین بایقوشو! دن سیز قالاسان
دنیز‌سیز ، یاغیش‌سیز ، چن سیز قالاسان
آنا قارقیشی‌سان! من سیز قالاسان!
دونیانین دده سین من اولدورمیشم؟
اوره‌یین نیسگیلین بیلمیه !بیله !
من یانیم کولومو پای وئرین یئله…
ائله بیل ائله بیل دوغوردان ائله
دونیانین دده‌سین من ا‌لدورمیشم
